مودت

فرقتوندن یاندی باغریم اوره گیم قان اوْلدی گل

گل کی رخسارون بو مرده جسممه جان اوْلدی گل

دونیانین ناز و نعیمی، باغ و بستانی منه

سنسیز ای سولطان خوبان بند و زندان اوْلدی گل

ایستدی لعلین فراقی جانیمی یاخماق ولی

شوقه یانمیش جانه لعلین آب حیوان اوْلدی گل

اوْل کؤنول کی دایمن ایشی سنیله وصل ایدی

یاندی شوقوندان اسیر درد هجران اوْلدی گل

جانیمین جانی وصالیندور وصالوندان اونی

تا کی اییردی فلک بیچاره بیجان اوْلدی گل

عاشقین باغ و گولستانی اوزون گولزاریدیر

هانسی گولزارین گولی گول سیز گولستان اوْلدی گل

جنتین صحنینده طوبی واله و حیران و مست

قامتون حسنونده ای سرو خرامان اوْلدی گل

تا منی تقدیر یزدان ایله دی سندن جدا

کؤنلومون حالی پریشان دیده گریان اوْلدی گل

معجزاتوندن یاناغون، محکماتوندن ساچون

خار و خاشاکی جهانین ورد و ریحان اوْلدی گل

بحر بی پایانه شوقون جانیمی غرق ایله دی

گؤر نه بیداد ایله دی هجرون نه طوفان اوْلدی گل

بو نسیمی سندن آیری بیلدیگیم یوخدور وجود

درد و درمان، وصل و هجران، جمله یکسان اوْلدی گل

منبع